भक्ति · राजस्थानी

मेरे तो गिरधर गोपाल, दूसरो न कोई

मीराबाई · 16वीं सदी · मेड़ता, राजस्थान

✦

मेरे तो गिरधर गोपाल, दूसरो न कोई।जाके सिर मोर मुकुट, मेरो पति सोई॥

तात मात भ्रात बंधु, आपनो न कोई।छाँड़ि दई कुल की कानि, कहा करिहै कोई॥

संतन ढिग बैठि-बैठि, लोक-लाज खोई।अँसुवन जल सींचि-सींचि, प्रेम-बेलि बोई॥

अब तो बेल फैल गई, आणँद-फल होई।दूध की मथनियाँ बड़े प्रेम से बिलोई॥

माखन जब काढ़ि लियो, छाछ पिये कोई।भगत देखि राजी हुई, जगत देखि रोई।दासी मीरा लाल गिरधर, तारो अब मोही॥

— मीराबाई